ojos que no ven

Títol: Ojos que no ven… Víctimas del fascismo desde la transición

Tipo: Documental
Duración: 55′
Anyo: 2011
Dreitos: Copyleft Creative Commons

Ta saber-ne más:
http://www.ojosquenoven.org

Ta baixar a pelicula:
http://ojosquenoven.nodo50.info/

Os asesinatos y as agresions faixistas, presents mientres tot o franquismo, no se’n acotolón con a muerte d’o dictador sino que se’n han mantenidas terne que terne dica huei. Mientres a transición, a ultradreita miró d’aterrorizar a la parte más activa d’a sociedat que se movilizaba por a libertat, a democracia y a chusticia social.

En iste tiempo los atentaus de collas faixistas se fación con a colaboración d’a policía, l’echercito y os chueces d’a dictadura. As chents de cuchas, amás, patión o terrorismo d’Estau (amagau baixo distintas siglas como Triple A, Guerrilleros de Cristo Rey, Batallón Vasco Español…) y as actuacions d’unas fuerzas represivas concebidas no ta guaranciar a seguridat ciudadana sino t’acotolar toda manifestación d’oposición a o rechimen franquista.

Soque en 1980 estión asasinadas más de 20 personas en esferents accions reivindicadas por organizacions ultradreitistas.

A principios d’os 90 se produció una mayor deseparación entre o terrorismo d’Estau y os atentaus d’as collas ultradreitistas. Os faixistas ya no actuaban que contra personas de cuchas, homosexuals y independentistas sino que prencipiaban a enrestir tamién a indichents y immigrants.

O documental da la parola a las victimas d’agresions y asasinatos ultradreitistas, a l’arreu dende l’encete d’a transición dica os nuestros días. Se tracta d’un periodo de más de 35 anyos, por lo que as situacions son prou esferents, pero tamién presentan elementos en común. D’istas semellanzas y esferencias, d’o papel d’a policía, de l’administración de chusticia, d’os meyos de comunicación, d’os representants politicos… nos ne parlan as victimas.

 

Aquesta entrada ha esta publicada en Articlos. Afegeix a les adreces d'interès l'enllaç permanent.

Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

Connecting to %s