Os centros socials a debat en una chornada plena de reflexions y experiencias

Una nueva chornada d’información y reflexión, unatra más, y ya en van una ripa mientres 10 anyos, se dioron cita iste cabo de semana en o C.S.A. A Enrestida de Zaragoza. A enchaquia yera conoixer y aprender d’a experencia d’atros centros socials arredol nuestro, con situacions muit diversas y dende diferents dembas, pero con una mesma fin, la de rebilcar, dinamizar y organizar una sociedat a vegadas masiau dormida, arredol d’un centro social autochestionau. Sin aduyas externas y libertat de tot.

-En primeras os companyers occitanos nos vinioron a contar toda l’historia d’un centro social Tor deu Borrèu en Pau, con Imagenmás de 20 anyadas d’experiencia, que ya a dengún alcalde que se i presente a unas eleccions se le ocurriría sacar-lo d’a ciudat. L’autochestión economica ye uno d’os alazetz d’iste centro, ya no nomás a ran d’a ciudat de Pau, sino de toda la resta d’Occitania. A traviés d’as suya barra, chentas populars u fiestas han conseguiu empentar economicament prochectos a tot l’arreu d’Occitania. Una ripa de colectivos de Pau fan servir iste centro social pa desembolicar as suyas actividatz ecolochistas, sindicals,… y políticas, con o movimiento occitanista Libertat! como uno d’os menadors. Pero nunca sin deixar a un costau a cultura y a luenga occitana, con chuegos tradicionals, mosica y xarradas. A la fin d’a charrada uno d’os ponents explicó tamién a experiencia d’a okupación rural, en uno d’os lugars más tradicionals y sinyaleros d’o Bearn “Juranson”.

-Un ex–component y uno d’os chovens que actualment fan parti d’a “Gazte Asanblada” d’Ondarroa vinieron a recentar-nos a historia d’o veterano “Gaztetxi” de Ondarroa, en una d’as semanas más convulsas pa iste tant politicament activo lugar d’a costa vasca. As dificultatz d’una primera casa okupada espaldada por as obras d’una nueva variant, habioron de fer reendrezar-se a suya asambleya y o suyo centro social. Dimpués d’as dificultatz y l’ature en a suya asamblea (más que más por a manca d’un puesto fisico), un nuevo local y más chent rebicolron a suya actividat pa empentar una ripa d’iniciativas en favor d’unas fiestas alter-Imagennativas (quan un alcalde ilechitimo prenió o poder), en contra d’un megacentro comercial, en esfensa d’a zaguer demba rica en biodiversidat en o lugar,… O relevo cheneracional y o empente a la chobenalla pa salir d’os suyos cados ye una d’as suyas actuals inquietutz. A experiencia d’o “Gazte Egune” (diya d’os chovens) dende o “Gaztetxi” en ye buen exemplo d’actividatz en ista endrecera, una d’as que más aceptación ha teniu en as zagueras anyadas. A luita de chenero en ye atra,… pero como ells mesmos dicioron, toda mena brancas d’a luita social i tienen cabida, pendendo de l’actualidat d’o lugar.

-Ta rematar tres miembros de l’asambleya okupa d’o centro social “Kike Mur” en Torrero nos remeroron, explicoron y envelesoron con un trocet d’a difícil historia d’a okupación en Zaragoza. O centro social okupado “Rasmia”, la “Vieja escuela”,… los “Once del tejado” son nombres que desgraciadament nos sonan masiau en embolicada historia d’a represión en Zaragoza mientres os zaguers anyos. Una represión que vivió a suya fuga por anyadas 98, con a celebración d’a EXPO ZaragImagenoza’98, pero tamién ha contau con bells intes de satisfacción y alegría en veyer o refirme de muita chent en intes criticos y de bells vicos como Torrero, en l’actual centro ocupau “Kike Mur” situau en l’anterior garchola de Torrero. Tal y como los anteriors centros, desembolicoron as actividatz, a vida y l’esfuerzo que conlleva dinamizar a vida d’un edificio tant gran como una antiga garchola. Un treballo de chestión que consume qualsiquier prebatina de vida como colectivo, pero que por agora ye prou y se dan por satisfeitos por a faina feita. Faina chestionada por una colla de chent de diferents tendencias politicas y opinions que consiguen entender-se en unas respetuosas asambleyas totz os lunes.

Charradas, rufiertas y debatz arredol d’una cena y posterior borina deixaban un punto en común entre totz. A reyalidat de cada ciudat, vico u lugar ye bien diferent, pero a fin ye la mesma, pendendo de chicorrons matices policitos d’as personas que i fan parti.  Y siempre tot parando cuenta d’a importancia vital d’istos centros pa los colectivos que lo chestionan. A experiencia contrimuestra que os resultaus sont evidents, y a faina remata mereixendo a pena.

Aquesta entrada ha esta publicada en A Enrestida. Afegeix a les adreces d'interès l'enllaç permanent.

Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

Connecting to %s