Con bella decada dezaga, A Enrestida, situada en o historico vico d’a Magdalena, contina estando punto sinyalero y de trobada dentro d’o movimiento alternativo de Zaragoza y uno d’os centros socials autochestionaus con mayor trachectoria, ya no nomás d’a ciudat, sino de tot Aragón.
Somos un colectivo que treballa por un Aragón libre y socialista do no bi haiga discriminación u prechuicios de trazas racials, por orientación secual u de chinero, tot trucando firme ficacio en a esfensa d’a tierra nuestra, metendo-nos devant de qualsiquier especulación u envestida de trazas meyoambientials, y prou que en a esfensa y promoción d’a cultura y tradición aragonesa.
Siempre dende abaixo y ta los d’abaixo ya que entendemos que no se puede fer país d’atra traza. Continamos y continaremos sin reblar, treballando diya par d’atro y estando un espacio ubierto pa qualsiquier persona u colectivo que quiera disposar d’o local para colaborar-ie u desembolicar os suyos prochectos.
Agora, con una nueva reformar d’o nuestro centro social a punto d’enguerar, queremos dar un nuevo empentón a’l nuestro prochecto pa continar treballando y luitando por os nuestro obchectivos.
A Enrestida 