A Enrestida con os movimientos socials: Radio libre y luengas minorizadas

O sabado 30 de noviembre podiemos trobar-nos en o centro social A Enrestida una d’as chornadas, que por ambient, treballo y asistencia, más conciencia y cambio

cheneran en a sociedat aragonesa. L’emplego d’a luenga aragonesa en o ambito urbano de Zaragoza ye un afer encara por estudiar, pero que a chent que femos parti d’A Enrestida siempre nos hemos mirau de empentar-lo firmement. D’as paretz d’iste centro social surtió fa bellas 9 anyadas a ideya de fer un programa en aragonés “Fendo Orella” en a radio libre zaragozana “Radio Topo”, y entre as suyas paretz y colaboración siempre se ha feito un poder por creyar una sociedat aragonesofona en Zaragoza. Un descanso en as emisions en directo, mientres os programas grabaus se sentiban en aragonés en “Radio Topo”, fació buen prebo pa organizar un chenta de chirmandat entre os colaboradors d’a tercera edición de “Estrela a estrela” en o centro social A Enrestida. As cadas vegada millors aptitutz culinarias d’os guisanders populars que arriban en o centro social son fendo puyar, y muito, o ran d’os guisos que se pueden tastar en os minchadors de A Enrestida.
Iste no podeba estar-ne menos, y a trentena de personas que i chentoron aduyoron una vegada mes a que o centro social A Enrestida estase o dinamizador culinario-social d’o cabo de semana en Zaragoza.
Dende A Enrestida nomás queremos deseyar y animar a repetir mientres muitos anyos ista chornada, nusatros siempre seremos prestos a aduyar en lo que siga.