En plegar en una ciudat nueva, toda persona con inquietutz y presta a analizar a situación politica que se i desembolica fa un poder por trobar qualsiquier ixallo d’actividat alternativa que i bulla. Todas y totz imos a coincidar que o papel d’un centro social como dinamizador d’a vida social, politica, cultural y mesmo mosical ye clau en qualsiquier ciudat. A viella fabrica de “Point Ephémère” en o vico parisino de “Belleville” en ye buen eixemplo d’ello http://www.pointephemere.org/ . Un piso en o cabalto adedicau a actividatz más culturals, charradas y una radio, y o cobaixo ta un zona más ludica fendo o papel de espacio d’ocio (más, tot veyendo o puesto aon que se troba a’l canto d’a canal), restaurant de cenas y chentas, puesto de trobada y sala de conciertos. Nomás una uellada a la parti cucha d’o foto nos alufra tot un fascal quasi diyario de conciertos.
Si bell diya hemos teniu garra ideya u imachent d’a ciudat de París, belluno i ha puesto estar y nomás se’n ye iu con a Torre Eiffel y Louvre, no puede deixar d’un costau a referencia y o papel que iste centro social contina chugando como dinamizador d’a vida parisina.
Dende A Enrestida siempre hemos estau conscients, dende fa 10 anayadas, d’a importancia d’un centro social pa una ciudat como Zaragoza. Chunto a nusatros, atros centros socials d’o nuestro arredol chugan un papel parellano, d’unas u atras trazas,… y nusatros queremos aprender tot lo posible d’ellos, u/y ellos de nusatros. Por ixo somos parando unas chornadas ta o 18 de mayo que bien luego presentaremos, y que de seguras nos feran buena honra.
A Enrestida 