Resumen d’unas chornadas que comunicoron más que nunca

Prencipiemos l’anyo con más información y comunicación en luengas minoritarias, no tot va a estar borina. No yera la primera vegada que en a historia de A Enrestida se tractaba iste tema, encara que sí cal dicir que en zagueras i ha habiu una fuga de meyos de comunicación en Aragón, do l’emplego d’as suyas luengas propias: l’aragonés y o catalán, son por un regular aina de Imagentransmisión d’o suyo mensache. Si fa tansament 10 anyos, quan A Enrestida principió o suyo camín, nos hesen dito que Aragón iba a contar con

un periodico dichital en aragonés de tot, con una achencia alternativa de noticias d’Aragón do l’aragonés y o catalán sigan rispetaus y/u emplegaus, una Radio en catalán en o Matarranya, un programa como Fendo Orella, que alavez principiaba, que plegaría a organizar por segunda anyada consecutiva una chornada como “D’Estrela a estrela” colaborando con totz os programas de Radio Topo, que un siello-prochecto de mosica trilingüe como Magofermin plegaría a tener 35 discos editaus y más de 2.500 copias feitas, y pa rematar un prochecto de difusión como ArredolArainfoComunica n’roll aon que ya dos collas que fan servir l’aragonés en a suya mosica i han participau, … pues hesenos dito que yeran barrenaus!.

Si qualcosa ha puesto veyer toda la chent que ha feito parti de A Enrestida en istos 10 anyos, ha estau veyer o cambeo en una sociedat, y en o vico do treballaban. Asinas nos lo han recentau en istos tres diyas os diferents prochectos que han pasau por o centro social d’o callizo Sant Cristobal de Zaragoza. Experiencias, ideyas, inquietutz y os deseyos de cambiar as trazas de fer cultura y comunicar-la.

Imagen

Gracias a os companyers de Fendo Orella y Radio Topo aprendiemos una mica más d’a historia …d’ista Radio que bien luego ferá 20 anyos d’existencia, y d’un programa que no ha deixau indiferent a denguno en a chicorrona historia d’a comunicación en aragonés. Arredol y Ara-info nos recentoron o viernes as dificultatz, alegrías y obchectivos d’unos meyos de comunicación Imagenque fan servir, d’una traza u atra, as luengas propias d’Aragón. A l’igual que o sabado Radio Matarranya nos amostraría atro trango en ixe difícil proceso socio-lingüistico d’a dignificación d’a luenga catalana en Aragón, y en a suya redolada. A resta de charradas tendrían un evident sinyal mosical, con a narración d’a historia d’o prochecto que más y millor ha editau mosica en Aragón
sin dreitos d’autor “Magofermin”, y con a presentación de facto d’un prochecto novedoso de publicidat y espardidura d’as collas mosicals “Comunica’n roll”, con dos d’as personas que millor conoixen o mundo d’a mosica alternativa en Aragón. Pa rematar, o responsable d’actividatz y actuacions d’o Kafe Antzokia en Ondarroa, explanicaría as razons, evolución y obchectivos de l’unico centro euskaldún ta par d’alavez en Bilbao, y que remataría estando a sala de conciertos de referencia, o mayor centro d’euskaldunación en Euskal Herria y a unica radio de tot en euskera en Bilbao.

As chornadas rematoron con una gran borina-audición en o bar La Botica, an que DJ Elepunto nos afalagó con una firme sesión de mosica euskalduna, aragonesa,…u anglesa. Contrimostrando que a mosica alternativa, de radiz u en luengas minoritarias no ye renyida con a borina, d’ixo en pueden charrar toda la chent que i disfrutó a nueit d’o sabado.Imagen

Aquesta entrada ha esta publicada en A Enrestida. Afegeix a les adreces d'interès l'enllaç permanent.

Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

Connecting to %s