Ahiere sabado se reengueró, con nuevas y más actividatz, un esviellau centro social A Enrestida. A chornada festiva estió redonda, dimpués d’una masiva manifestación anti-entibos en frent d’a C.H.E., y fendo servir o local d’o callizo Sant Cristobal como puesto sinyalero de l’independentismo aragonés. A rasmia de todas personas que fan parti d’o colectivo A Enrestida, y a colaboración de tot lo publico que i acudió ahier, fan que todas y totz nos felicitemos. Asinas como dar as gracias a os cantautors “Francho Sarrablo” y a colla “Gaire”, chunto a ellos podiemos disfrutar d’una veilada de tardis con una mena de mosica cada vegada más puntera en Aragón.
Una nueva etapa de ilusión, novedatz y actividatz plega de prencipiar en o ya veterano centro social independentista A Enrestida. Asperamos continar chuntando-nos-ie por muitas anyadas y sisquiá con a mesma cantidat de chent. Adhibindo una chisla diferent en qualsiquier puesto do colaboremos. En breus tos iremos anunciando as actividatz pa iste hivierno, que preniciparán con a clasica fiesta de cabo d’anyo.
A Enrestida 