Una anyada más torna a nuena trobada de dolçainers de Massalió, una fita a la que dengún no puede mancar y a la que “A Enrestida” siempre ha refirmau con a suya presencia, asinas como os suyos companyers de viache de centro social “Magofermin”
. Ni a retallada de subvencions, ni con a manca d’aduyas puede fer-se aturar ista mena d’iniciativas que se veyen fundamentals pa revilcar ixa voz critica rural por muitas anyadas dormida. A cultura, a mosica y a tradición son o cabo d’ista ferramienta de baralla, pero somos seguras que en parar cuenta d’ixa riqueza cultural s’entenderá y desembolicará una nueva traza d’esfender os dreitos en o mundo rural aragonés.
Limpio celebra-se contino dende 1998 y siempre organizau por os chovens “Club de joventut”, y dolçainers de Massalió (Matarranya). Iste festival, tamién antis conoixiu como Cerç, ha marcau una endrecera luen d’influyencias u prechuicios relichiosos, luent d’o maltrato animal,…
y sin pecar d’excesos tradicional-istas y/u modernismos que cosa tenese a veyer con o lugar do se celebra.
Por aquí han pasau collas como Gen, Mallacan, Vision Túnel, Prau, Los Draps, Txirigol (oriundos d’o mesmo Matarranya),… no por ixo renyiu con trobadas que como en 2009, i arrocloron a más bella ventena de collas de dolçainers de tot Aragón y a suya antiga Corona. Collas que como totz os anyos serán tamién estianyo convidadas a un “sopar” popular.
Trobadas como ista, o Festival de Resistencia d’o Manubles en contra d’a mina de Borobia (Calatayut) , Franja Rock (Matarranya), a trobada de Carboneros de Cerveruela (Daroca), … y prou que sí, Artieda (Viello Aragón), ye o futuro más inmediato por o que os/as aragonesas han de luitar en evitando a despoblación y una sociedat más acomodada, a sobén baixo as normas impuestas en atros tiempos. A mesma población que a tot trance evitarán a construcción d’una mina, a ampliación d’un entibo,… u a desaparición d’a suya cultura y luenga.
A Enrestida 