A manca de credibilidat d’o ministro d’Agricultura y a incapacidat, d’o que ya estase ministro d’Agricultura en a lechislatura d’Aznar, Arias Cañete, no ye desconoixida en Aragón. Terne que terne a solucionar totz os problemas con trasvases y entibos, l’endrezan a fer declaracions de lo más ridiclas:
Con enchaquia d’a enesima y no zaguera sequera en Aragón, fació o luns as siguients declaracions en las que achacaba a sequera a la manca d’entibos y la no execución d’o Pacto de l’augua en Aragón. O ridiculo roza l’absurdo en sentir a esviellada rufierta d’os maitins d’Aragón televisión. Do un periodista de filiación centro-dreitista (qui ha de rectificar a Arias Cañete aludindo a la manca de plevia) acompanyau d’o periodista d’ABC en Aragón, refleixan a manca de rigor y pluralidat que se puede veyer en a canal publica aragonesa, dende a dentrada en o gubierno d’o PP-PAR, y o nuevo consello direchent de Heraldo en Aragón Televisión.
Manimenos se reconoixe, tal y como dende “Esfendemos a Tierra” y “Ría Aragón” se ha manifestau, que no bi ha diners pa encetar nuevas obras, y menos macroentibos como YESA. A tamás d’as zaguers noticias a o filo d’os presupuestos publicaus por o gubierno d’o PP.
A Enrestida 