A incultura en Aragón con a complacencia d’a “cucha”?. A Enrestida’12

As comunidatz asimiladas, que a segunda semana de Marzo churoron lealtat a o retallador espanyol, ya cuentan con os suyos presupuestos. Belunos como Catalunya dicen que ya veyerán si cumplen con o pacto, atros como Andalucía no se’n fan porque dicen no tener déficit (J.A. Griñán dixit), manimenos os más sobraus, como Aragón, han optau por reducir d’ixo qu’en sobra ambute, y que en iste país se clama cultura. Un chicorrón 0,46% d’o total destinará o gobierno d’o PP-PAR enta l’aculturización d’os suyos ciudadans, o más baixo d’os ya retallaus presupuestos d’as comunidatz, una situación que as/os aragonesas/es vienen padecendo dende 2007, alavez yera de 0.99%. Bells colectivos como “+Cultura” en veyer peligrar o suyo puesto de treballo facioron publico un comunicau o 22 de febrero, un comunicau en contra d’os retallos culturals en Aragón, con cenyos enta l’arte espanyol pero sin garra referencia a la modificación d’a Lei de luengas d’Aragón, una d’as primeras manifestacions publicas d’iste nuevo gobierno en contra d’a cultura aragonesa.

No ye por demás, que as comunidatz que más diners destinan enta cultura sigan as comunidatz que más protechen y esfienden as suyas respectivas luengas minoritorias, que sigan os puestos d’an qu’en surtan más actors de teyatro y cine, más directors, mas artistas y mosicos, i haiga una más gran escena, mayor rete y millors roldes. Podríanos fer un símil con a resta de países europeyos, y tendríanos os mesmos resultaus.

Os representants aragoneses, allenos a os sucesivos gubiernos, con voz en o parlamento, pareix i parar cuenta. Grupos de cuchas como IU-CHA ya han denuncia a situación de l’asturiano en o parlamento espanyol, con intervencions en asturiano por parti d’un riberano como Llamazares, que no hese adedicau ni un segundo en estudiar garra expresión aragonesa. Pero siempre pareix poca la enrestida cultural que pueda sufrir Aragón, como pa estar denunciada. Más si os suyos puestos de treballo no corren peligro (iste grupo fa parti de +Cultura), y os suyos amigos no pueden sacar-ne buen treslau. Ni una sola iniciativa rechistrada en ista endrecera por l’aragonés y o catalán en Aragón, y sí una “mazada” por parti d’un aragonés que tansament escribe bell escrito en o suyo blog pa refimar as leis d’o suyo apadrinau.

Dende fa quasi nueu anyos una colla de chent, que ya par d’alavez yeran conscients d’ista situación aculturizadera, se probó a creyar un puesto an que totz istos prechuicios y retallos remanisen a o marguin, an que as ideyas d’o suyos miembros y qualsiquier companyer d’inquietutz tenese acullida. Iste puesto se clama Centro Social A Enrestida, y en bells meses serán prestos ta fer veyer a la sociedat aragonesa que atra cultura aragonesa ye posible.

Aquesta entrada ha esta publicada en Articlos d'opinión. Afegeix a les adreces d'interès l'enllaç permanent.

Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

Connecting to %s