A Coordinadera por o Dialogo y a Negociación d’Aragón ha parau iste video de refirme y empente a la gran manifestación que se ferá o 7 de chinero 2012.
Iste diya se planteya como una firme demostración, que meta o tochet en denunciar a inchusta politica penitenciaria d’os Estaus espanyol y francés.
Istos dos Estaus incumplen as suyas propias leis y o dreito internacional entre atras cosas por a dispersión, o mantenimiento en garchola de presos dolents u o trato humillant en as visitas enta las garcholas.
Dende a Coordinadera por o Dialogo y a Negociación d’Aragón, d’a que fan parti diferents colectivos socials e individuals aragoneses de diversas menas, se fa un clamamiento a la ciudadanía aragonesa a sinyar y adhibir-se enta o manifiesto d’ista manifestación.
Ta sinyar ninviar un mail con o vuestro nombre y/o colectivo a kom.egindezagunarratsa@gmail.com ya que a web aon que se yeran replegando as firmas (http://kolosalaizangoda.info/) ha estau enrestida y por agora ye inoperativa.
Y tos demandamos, (a os colectivos) que sinyetz, que ninvietz a vuestra adhesión tamién enta achencia@arainfo.org, y asinas podremos espardir a solidaridat por os nuestros meyos alternativos. Si sinyatz individualment, ninviar-lo si queretz tamién pa tener un control de numeros alto u baixo.
Si queretz conoixer más información d’a participación d’as aragonesas en ista iniciativa fote-le una uellada a arainfo.org.
A Enrestida 