Purna – A Chovenalla Revolucionaria y Independentista, organiza un anyo más, as Chornadas Internacionalistas. L’anyo pasau contamos con companyers d’Euskal Herria, Occitania y Andalucía. En ista edición contaremos con a presencia d’a militancia chuvenil revolucionaria d’o Sáhara, Països Catalans, Castilla y Asturies.
As chornadas se desembolicarán entre o venient viernes 9 y sabado 10, y totz os actos se levarán a cabo en o CSA A Enrestida, en o Callizo San Cristobal d’o vico d’A Madalena. O viernes dende as 19:00 as charradas serán a cargo d’activistas d’o Pueblo Saharaui y de Yesca. Nos charraran d’a situación d’a choventut militante en os suyos respectivos países, d’a actualidat socio-politica, y d’estratechias que planteyan dende as suyas organizacions ta fer frent a o capital y a os estaus marroquí y espanyol.
O segundo diya, dende as 18:00 y tamién en o CSA A Enrestida, as companyeras de Darréu dende Asturies, y Maulets/CAJEI dende os PPCC, ferán una reflexión arredol d’a situación d’os suyos pueblos. Nos parlarán sobre a gran represión que son vivindo tanto en Asturies como en os PPCC contra a choventut independentista, asinas como d’o proceso de unidat que ye levando a cabo a choventut catalana ta enfrontinar a luita nacional.
Ta rematar feremos una cena picoteo solidaria en A Enrestida que servirá ta financiar os gastos d’as chornadas. Tos convidamos a todas y totz a colaborar con a chuventut revolucionaria ta que o camin que plega de prencipiar siga imparable.
Dimpués continaremos con as audicions de DJ Aló Residente y DJ Ticus Maximus en La Botica, en o Casco Viello.
Istas chornadas se incluyen dentro d’a estratechia d’a cucha independentista aragonesa de teixer retes con organizacions chirmanas ta caminar enta a destrucción d’os alazets socio-economicos de l’estau espanyol, y a construcción d’as nuestras reyalidatz nacionals y d’un esdevenidero digno, chusto y socialista.
A SOLIDARIDAT INTERNACIONALISTA YE A NUESTRA MILLOR ARMA
Choven, Organiza-te y luita. A luita ye l’unico camín
INDEPENDENCIA Y SOCIALISMO!
PURNA http://purnaindependentista.wordpress.com/
MAULETS http://maulets.org/
CAJEI http://cajei.cat/
DARRÉU http://www.darreu.org/
A Enrestida 