Ara-Info (traducción Fendo Orella)
Huei dia 12 de febrero s’ha desenvolicau en os arredols de l’hotel TRYP, que ye acubillando unas chornadas organizadas por o partiu faixista Movimiento Social Republicano (MSR), amagadas baixo un contexto d’enquietut social y actual, con a unica fin de realizar apolochia d’o nazismo y o faixismo.
A las 12:30 alto u baixo d’o maitin de huei, bellas cinquanta personas han esplegau frent a l’hotel una pancarta en a que se podeba leyer “Prou d’impunidat con os faixistas, MSR=PARTIU NAZI” acompanyada de canticos con lemas como “difuera faixistas d’os nuestros vicos”, “Zaragoza antifaixista”
En tot inte os manifestants i son estaus bloqueyaus por a policia nacional, meyant una ringlera policial que impediba a os manifestants amanar-se ta las puertas de l’hotel. Dimpues d’iste bloqueyo los policias han procediu a la identificacion de totz os participants en a protesta.
Vecins y vecinas d’o vico de L’Almozara, s’han visto sorprendidas en descubrir que actos nazis como lo de huei se continan fendo en a ciudat de Zaragoza.
Una vegada mas o Delegau de Gubierno, ha tornau a contimostrar a permisividat que tien frent a ista mena d’actos racistas, xenofobos y faixistas.
A Enrestida 