RESUMEN D’O CABO DE SEMANA

Buen cabo de semana o que emos bibiu en o nuestro zentro sozial con as chornadas organizadas de conchunta per RASH Aragón y Caracol Zaragoza, dentro d’a semana europea de solidaridat con Chiapas. O Biernes, con una Enrestida a rebutir de chent, se prochectó un bidio que amostraba como biben y se organiza a chent d’ixa redolada mexicana, malas que remató prenzipió una serie d’interbenzións feitas per a chent de caracol Zaragoza.

O sabado a chornada escomenzipió prou luego, a ixo d’as 11 coladas ya yera ubierto o mercadet benefico feito per a chent d’o RASH. Estió ubierto dica a orada de chentar ta fer un descanset, y dimpués per a tardi altro ratet en o que i s’amanó una ripa chent, asperamos que saliese bien de diners.

Per altro costau, con motibo d’a inagurazión d’a siede de Alianza Nazional en bico de San Chusé (carrera matadero), arredol de 150 antifaxistas mos manifestamos contra iste acto. Dende as 12 d’o maitín estiemos con identificazions, rechistros de personas y autos, menazas, etz. tot por parti d’a polizia nazional. Cuan ya yera formau un buen bloque de chent antifaxista se dezidió ir enta o local, cosa que a os achents de seguridat no les fazió brenca goyo y a golpe de bel porrazo aturón ascape. Una begada ya controlaus de raso per a polizia se prenzipió a cantar e informar a os bezins d’o bico, cosa, que en contra de lo que dizen os meyos de comunicazión burgueses, agradexión asabelo con aplausos enta o bloque antifaxista. Asinas se continó dica que se dezidió rematar a manifestazión a ixo d’a meya t’as tres.

Ta rematar ista chornada, a Coordinadora Antifaxista de Zaragoza zelebró o suyo 2º cabo d’año con dos autos: per a tardi-nuei se fazió a presentazión d’o libro “La huella de la bota” pero o periodista y companyer valenziano Joan Cantanero (menazau per collas faxistas). Mos amostró como ye a situazión d’istas organizazión faxistas y tot lo que ye dezaga d’ellas. Ya, una begada que se fazió de nueis de tot, prenzipio a borina de grans temas de punk en o bar Bohannon, como broche final a una chornada asabelo d’intresán en toz os aspeutos