O diya 16 d’abiento de 2009 estió chuzgau en Zaragoza o nuestro companyero Álvaro, acusau d’aber lanzau una piedra a un auto d’a polizia local o diya 30 de Mayo de 2008 en o bico de Torrero, an i yera dende feba més de dos anyadas o Zentro Sozial Okupau “Rasmia” y que estió desalojau ixe mesmo diya en un amplo espliegue polizial. Fa uns diyas conoxebanos a sentenzia y ayere, diya 26 de chinero de 2010, Heraldo de Aragón publicaba a notizia cuasi ocupando a totalidá de a suya pachina 11 rezentando tamién lo que i pasó seguntes a suya ambiesta d’os feitos d’aquel diya de mayo. Lo que bi pasó estió que dimpués d’o desalojo y a retilante situazion de sitio polizial en o Bico una colla de unas 20 o 30 personas dentre as que se i trobaba o nuestro companyero Álvaro, que eban acudiu ta fer beyer o suyo refirme a o Zentro Sozial Okupau “Rasmia”, se i cruzón con un auto d’a Polizía Local y una piedra impactó en o bentanico d’o posiento d’o copiloto de l’auto. Como consecuenzia d’isto, un d’os tres ocupans de l’auto presentó una ferida de 3 centimetros en o mentón. Antimás os cristals d’o bentanico le’n fazión mal en un güello pero no tien perdida d’a bista. As secuelas nomás en son a cicatriz de 3 centimetros que le ocasiona un chicot perchuizio estetico. A o poquet tiempo de suzeder isto, Álvaro estió identificau per a Polizia Nazional no muit luen d’o puesto chunto a dos zagals més. Antiparti, Álvaro no estió deteniu dica o lunes benién diya 1 de chunio en casa suya. Álvaro ye presentau como onico culpable y Heraldo de Aragón insiste en remarcar que “No bi’n ha confabulazion”, apresurandose a dizir bella cosa que dengún no le’n ha demandau y que dengún pensamos…
Seguntes Heraldo de Aragón, Álvaro ye condenau a 3 añadas de garchola y deberá indemnizar con 600 € a o achente “feriu” antimás de bosar lo que costó o cristal d’o bentanico, que estión 91,62 €, pero dengún les ne ha rezentau cosa ni a él ni a o suyo abogau, ni calendata de ingreso en a garchola ni brenca. Se ba a presentar un recurso ta la audienzia provinzial ta que rebise a sentenzia porque bi ha bel error de que no ha constado en ella os atenuantes que a esfensa en presentó per a suya parti.
Queremos aclarar-ne que:
MOS PARIXE TOTALMÉN INCHUSTIFICADA Y DESPROPORCIONADA ISTA SENTENCIA, perque:
-A petizión d’a fiscal yera de dos añadas de garchola.
-Álvaro no contaba con antecedens penals.
-O metodo d’identificazión se basa unicamen en a parola d’os polizias, sin alportar ni una sola preba.
-Ante un agrabio tal a un polizia ye impensable que nuestras efiziens fuerzas de seguridat tarden tot un cabo de semana en arrestar a una persona, maximo cuan dita persona estió identificada poquet dimpués de que ocurrieran os feitos.
-Sapemos que o nuestro compañero Álvaro ye inozente ya que él no estió qui tiró ixa piedra.
-Pensamos que iste montache polizial pretende estar un duro prezedente represibo politico en ista ziudad emplegando a nuestro compañero de “tozuel de turco”.
D’ista traza queremos manifestar que:
-Denguna sentenzia de dengun chuez puede transformar a reyalidat y creyar una nueba berdat, aun por muitoo que heraldo de aragon repita ixa mesma mentira una y zien begadas.
-Denguna condena exemplificatoria, ni ista ni denguna altra, ba a amilanar o nuestro esmo combatibo.
-Okupar una bibienda ta bibir o un local ta autochestionarlo ye un dreito perque ye inadmisible que i aiga miles y miles de bibiendas lasas en a nuestra ziudat y tanimientres que se especula con ellas y se’n fan muitas mas nuebas que permanezerán añadas lasas perque dengún pue bosar-las o que 9348 aragoneses aigan teniu que renunziar a bibiendas de proteczión ofizial en os zaguers años per no poder bosar-las debiu a su luenga y pa beluns cutiana y perpetua, crisis capitalista.
-El otrora dreito a la okupación, ye agora tras disparatadas condenas como ista, un deber moral solidario y reboluzionario.
Álvaro ha ubierto una cuenta pa qui quiera o pueda solidarizar-se-ne economicamen: 0182 6936 10 0201525685 d’o banco BBVA
A Enrestida 