Conzentrazión de refirme a Egunkaria

¿SABEBAS QUE EN L’ESTAU ESPAÑOL OS PODERS PUBLICOS TRANCAN PERIODICOS?

YE O CASO D’O DIYARIO EGUNKARIA

1.- O diyario Egunkaria se fundó en 1990, estando dica alabez o unico periodico publicau en Euskara de tot. Bi abió una chicorrona y balerosa experienzia en a Guerra Zebil con o diyario “EGUNA”, que por aquellas difízils embueltas aguantó dica que Bilbao estió preso por os franquistas en chulio de 1937.

2.- En a linia editorial d’Egunkaria trucaban o ficazio balors como independién, plural, progresista, nazional, empentador de l’euskara…

3.- A interpresa editora estió fundada en 1990 con aportazions de bels 1.500 aczionistas.

4.- En febrero de 2003 l’Audienzia Nazional prozedió a o zierre d’o diyario y detenzión de 10 personas (nueu directibos, y atras personas sin garra binculazión a o tarabidau d’o diyario), zinco d’os cuals denunzión aber sufriu torturas en os diyas que i estión incomunicaus en mans d’a Guardia Zebil. Entre toz han permaneixiu en a garchola, en estau probisional, 30 meses.

5.- Se les acusa de perteneixer a ETA, lo que no tiene garra alazet ni se sostiene en garra preba.

6.- O fiscal ha demandau l’archibo definitibo d’o caso por manca de prebas. Con tot y con ixo, y sin que bi aiga acusazión pribada, l’Audienzia Nazonal ha dezidiu ir enta chuzio, alazetando-se nomás en una acusazión popular presentada por a AVTy “Dignidad y Justicia”, que demandan entre 14 y 16 años de garchola ta los 5 directibos d’Egunkaria.

7.- O chuizio se zelebrará en Madrit en as proximas semanas, y posiblemén siga silenziau por os poders y bels meyos de comunicazión.

8.- O mesmo diya d’o zierre os treballadors publicón un periodico en Euskara, “Egunero”, y 4 meses dimpués naixió o diyario Berria, con 24.040 aczionistas y que ha preniu o relebo d’Egunkaria en o tocán a l’esfensa d’as balors y cultura basca.

9.- Dende o zierre se han produziu muitos actos de solidaridat en Euskal Herria y en diferens puntos de l’estau español, trucando o ficazio os zelebraus en Catalunya, Madrit, Galizia, País Balenziano, Canarias… A repercusión meyatica internazional d’o zierre d’Egunkaria estió talment a mayor que nunca un caso basco no bi aiga teniu.

10.- Nos enfrontinamos a un firme recorte d’as libertaz d’expresión, a una enrestida a la pluralidat informatiba, a o dreito a o desembolique d’a cultura y a luenga basca y una enrestida a os dreitos umanos por as torturas sufridas.

ISTA LUITA NOS PERTOCA A TOZ Y TODAS: SOLIDARIZA-TE

MAS INFORMAZION EN WWW.EGUNKARIA.INFO


EN REFIRME A O DIYARIO EGUNKARIA Y AS PERSONAS PROZESADAS

Nunca debería aber suzediu, pero en febrero de 2003 l’Audienzia Nazional zarra Egunkaria, l’unico diyario publicau en luenga basca, y prozede a la detenzión de belunos d’os suyos directibos, alazetando-se en un espedién elaborau por a Guardia Zibil. Belunos d’os detenius denunzión aber patiu torturas mientres a suya estacha en dependenzias polizials.

A tamas de que a fiscalía solizitó l’archibo definitibo d’o caso, por la manca de consistenzia d’as acusazions formuladas; l’Audienzia Nazional, atendendo a l’acusazión popular d’a AVT y Dignidad y Justicia, ha dezidido de zelebrar o chuizio, que se ferá en as prosimas semanas.

Consideramos que trancar o diyario Egunkaria, y o prozesamiento de parte d’os suyos directibos, debe estar refusau, porque:

–  Suposa una negazión d’a libertat d’esprisión y un ataque a la pluralidat informatiba, que tot estau, que se considere democratico, debe respetar y esfender.

–  Resulta una enrestida graniza contra l’euskara y a cultura euskaldun en o suyo conchunto, asinas como a o dreito d’as bascas y bascos a desarrollar uns meyos de comunicazión propios.

–  As torturas padexidas por belunos d’os prozesauos son inalmisibles de tot, y se suman a la larga cadena de denunzias de malos tratos en l’estau español, que mesmo en ha charrau o Relator Espezial d’a ONU contra la Tortura, Theo Van Boven.

Por tot ixo femos un clamamiento ta denunziar istos feitos, animando a la soziedat a contrimostrar a suya solidaridat con as personas que ban a estar chuzgadas; y a esfender os dreitos democraticos, que se beyen seriosamén conculcaus por iste y atros prozesos, y que o suyo retalle nos afecta a tozs y todas.

Combidamos a cuantos colectibos y personas sigan intresadas, a sumar-se-ie y espardir iste manifiesto, partizipando actibamén en as campañas y actos que se reyalizarán ta denunziar o retalle de libertazs que iste caso representa, y  contrimostrar a solidaridat con os prozesaus.

Plataforma aragonesa de refirme a Egunkaria

Aquesta entrada ha esta publicada en Convocatorias. Afegeix a les adreces d'interès l'enllaç permanent.

Una resposta a Conzentrazión de refirme a Egunkaria

  1. Retroenllaç: Conzentrazión de refirme a Egunkaria | Bloglíticos

Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

Connecting to %s