Nobiembre Antifaixista´09. Autos en o ZSA A Enrestida

Remató ya o Nobiembre Antifaixista d´iste 2009 dimpués de tot un mes plenizo d´autibidatz en muitos espazios d´a Zaragoza combatiba. A Enrestida tamién en formó parti con bels autos que se ban fer en o nuestro Zentro Sozial, prenzipiando bien luego en o zaguer cabo de semana d´otubre con a procheuzión d´o bideo “Carlos, un año sin ti, un año contigo” sobre a muerte d´o choben antifaixista madrilenyo Carlos Palomino y con a charrada a l´atro´l diya sobre o movimiento skinhead en Euskal Herria feita per companyers bascos ta antimás d´informar-nos d´a luita politica y sozial que i fan, remerar as 40 anyadas d´a naxeidura d´o mobimiento skinhead en tot lo mundo.

O sabado 14 tenió lugar una chenta popular an que se i achuntón una trentena de personas ta disfrutar de buena birolla y d´a millor companya. En rematar a sobremesa s´atrapazió lo Zentro Sozial ta acullir a charrada que i ban fer dos melitants antifaixistas y independentistas de Valencia sobre l´asesinato d´o miembro de Maulets Guillem Agulló. En iste binclo podetz ascuitar l´audio d´a charrada d´os companyers d´os Països Catalans

http://www.archive.org/details/CharlaGuillemAgull

Cal dezir que iste luengo e intenso diya remató con un conzierto de hip-hop firme majo que parón os companyers y companyeras de Curba Roya con a colla Os Chikos del Maiz de Valencia y atros rapers y mc´s zaragozanos.

O chuebes 19 nos trobemos con una Enrestida a rebutir de chent ta asistir-ie a la procheuzión d´o documental NaziRock do podiemos beyer l´emplego que as organizazions faixistas italianas fan d´a mosica rock ta fer plegar o suyo mensache enta la chent choben y espardir as suyas ideyas razistas per meyo de collas mosicals que cantan a la superioridat blanca, a l´odio a las personas inmigrants u a la biolenzia contra os melitants de cucha.

Ista ha estau una chicota parti d´o puyal de charradas, procheuzions, autibidatz culturals u autos en a carrera (incluyindo-ie a tradizional manifestazión antifaixista) que s´han feitos en un nuebo Nobiembre Antifaixista organizau per a Coordinadera Antifaixista de Zaragoza, Mago Fermín y o nuestro coleutibo A Enrestida. Asperamos que tos fese goi de partizipar-ie y tos alentamos a continar luitando contra o faixismo y o razismo en totz os puestos an que nos lo trobemos.

Aquesta entrada s'ha publicat en A Enrestida, Cronicas i etiquetada amb , , . Afegiu a les adreces d'interès l'enllaç permanent.

Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

Connecting to %s