Cominicau de Refirme a I.I. debán d’a criminalizazión. A Enrestida.

Dende A Enrestida, coleutibo independentista y reboluzionario aragonés, queremos amostrar o nuestro refuse de tot a la persecuzión política que ye sufrindo a candidatura popular Iniziatiba Internazionalista-A Solidaridat entre os Pueblos per parti de l´estau espanyol y os suyos aparatos churidicos, polizials y mediaticos y que puede rematar con a ilegalizazión definitiba d´ista candidatura.

Iste no ye un feito exceuzional, de exemplos parellanos en tenemos un puyal en os zaguers anyos. Pero agora han enamplau os efeutos d´una ley faixista como a Ley de Partius, feita d´esprés ta ilegalizar un seutor sozial d´o pueblo basco a cualsiquier mobimiento que planteye una transformazión reboluzionaria de l´orden bichent en tot lo estau.

Ye a firme consecuenzia d´un retalle de dreitos zibils y politicos que se ye produzindo dende que o rechimen franquista escoscó a suya cara fa más de 30 anyadas enta un rechimen de democrazia burguesa formal. En ista democrazia en bersión espanyola todas as ideyas se pueden esfender mientres no se cuestionen bellas cosas alazetals t´o rechimen y os mensaches de cambio no pleguen enta las personas.

L´estau espanyol no más puede mantener a suya mascaruta democratica fendo serbir a mentira y a represión, emplegando-ie a os meyos de comunicazión burgueses que amagan a reyalidat y creminalizan a disidenzia, a os cuerpos polizials de l´estau, que fabrican as pruebas nezesarias y dimpués exerzerán a biolenzia que calga exerzer-ie y a os Tribunals que fan beyer una imachen de legalidat churidica mega de raso.

Denunziamos tamién a complizidat, y a ipocresía de partius como Chunta Aragonesista. Una begada más nos han amostrau en que puesto son, con l´estau, con o poder, y prebando de callar cutio cualsiquier boz que enrista os regles de chuego que mete l´estau.

Independientement d´a opinión que cadagun/a pueda tener sobre a importanzia u a conbenienzia (u no) de partizipar en un prozeso eleutoral, cualsiquier candidatura que quiera fer-lo ha de tener ixe dreito. Pribar-ne a determinadas personas per esfender determinadas ideyas alazetando-se en argumentos más propios de nobelas poliziacas fa que o Reino d´Espanya pierda o poquet que´n teneba de democratico.

A Enrestida

Aquesta entrada ha esta publicada en Articlos. Afegeix a les adreces d'interès l'enllaç permanent.

Una resposta a Cominicau de Refirme a I.I. debán d’a criminalizazión. A Enrestida.

  1. Retroenllaç: Cominicau de Refirme a I.I. debán d’a criminalizazión. A Enrestida. | Bloglíticos

Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

Connecting to %s