Conzierto “Buena chen” en esfensa d’as montañas d’Aragón

 

 

 

 

 

 

 

 

 

 

 

 

 

 

http://www.plataformamontanas.es/

¿Qué ye o Festibal “Buena Chen”?

A iniziatiba surte de Rap Solo (Violadores del Verso), con a colaborazión d’una ripa de personas, colectivos y a Plataforma en Esfensa d’as Montañas d’Aragón, con l’animo de que diferens collas mosicals colaboren solidariamén con causas que consideran chustas. Ista será a primera edizión d’un festival que se mirará de que siga añal.

¿Cuál ye a fita d’ista añada?

Iste sábado 7 de febrero de 2009 tocarán Violadores del Verso, Amaral, Mallacán, Comando Cucarach, Xhelazz, Frutas y Verduras y Señor Rojo. Dende as 9 d’a nuei en a Sala Multiusos de l’Auditorio de Zaragoza (chunto a la Romareda). Una nuei plena que rabia de rap, rock , pop, cultura popular, … y con a partizipazión d’una ripa de colectibos sozials, ecolochistas y culturals que refirman a causa y serán presens con as suyas mesas informativas. ¡¡Antimás, sorpresas guaranziadas!!

¿Cuánto bale y ta qué iran os esquimens?

12 euros. Pocos conciertos en a Multiusos han estau tan baratos. Con o millor soniu y condizions técnicas. Grazias a la colaborazión altruista de muitas personas. Con a recaudazión d’o festival, se prebará d’aduyar a os abitadors d’a bal de Castanesa en a esfensa d’a suya redolada, ta bosar os recursos chudizials que sigan menister. Antimás, si o Festibal ye un éxito, que lo será, cada colla espardirá una parti enta atras causas chustas (prochectos en Palestina, Colombia u Chiapas). Ta poder mercar as dentradas, tiens a la tuya disposizión muitos puestos de benda en Zaragoza y atras localidaz aragonesas. Consulta en a web.

¿Por qué esfendemos a bal de Castanesa?

Castanesa ye a bal más oriental y birchen d’a Ribagorza. Astí nomás i biben que 170 personas, a mayoría d’a ganadería. Aramón, consorzio de Ibercaixa y o Gubierno d’Aragón (PSOE-PAR) se preba d’ampliar a estazión d’esquí de Sarllé y costruyir-ie un nuebo tarabidau de postes, pistas,…, dica 4000 bibiendas, restaurans, pistas de golf,… Bels bezins d’a redoladas ya se han meso barucosos con as promesas d’Aramón, pero atros desconfitan d’as recalificazions de suleros y a especulazión que se les biene enzima. Al no existir a Lei de Proteczión d’a Montaña en Aragón, as nuestras montañas son asabelo de bulnerables a istas enrestidas con trazas de consumo masibo, con dudosas consecuenzias sozials, económicas, culturals y ambientals. Por ello refirmamos ista causa. Te combidamos a informar-te con ficazio en : http://www.plataformamontanas.es ¡Nos beyemos o sabado!