Ista semana rematan en Zaragoza as chornadas d’o “Nobiembre antifaixista”. Dos semanas plenas d’actibidaz antifaixistas que tenión como fuga a manifestazión d’o sabado 22 por as carreras de Zaragoza. Una manifestazión que en primeras eba estau biedada por o Delegau d’o Gubierno español en Aragón pero que a la fin, grazias a un recurso d’a Coordinadera Antifaixista de Zaragoza (organizadera d’iste ebento), 
podió beyer-se y amostrar-se o refuse de miles de zaragozanos y aragoneses contra o faixismo.
A Enrestida como coorganizadors d’as diferens actibidaz d’ista semana emos puesto desembolicar una ripa de charradas, presentazions, audizions y chentas en o nuestro zentro sozial. Todas istas actibidaz han contau con una gran asistenzia de publico, lo que contrimuestra que diya a diya se son fendo as cosas bien. A enesima prebatina de colectibo antifaixista en Zaragoza paix que, ista begada sí, ye a finitiba.
Por o nuestro zentro sozial han pasau os autors de l’organo d’expresión d’a Coordinadera “Vuelta de Tuerca”, l’asoziazión por a recuperazión d’a Memoria Istorica d’Aragón, a Coordinadera Antifaixista de Madrit y chen de “Izquierda Castellana” y “Yesca” que, antiparti de fer parte d’a Coordinadera de Madrit antis nombrada, tamién se i pasón ta contar-nos d’as suyas experienzias, actibidaz y luita.
No podemos rematar d’enumerar as actibidaz d’istas chornadas sin nombrar a “magofermín produczions” que con a suya colaborazión logremos plenar d’os cabos de semana de conziertos con diferens bandas, en a
sala Arrebato: Inkoscientes, Zea Mays, Muskaria, Ulut,… Todas/toz chuntos contra o faixismo.
A Enrestida 
