Benezuela 2008

Benezuela ye en l’actualidat uno d’os espiellos en os que se miran os prochectos de costruczión d’un modelo sozialista moderno en o contexto d’a globalizazión. Queremos analizar en profundidat os numerosos aspectos positibos d’a trasformazión que empenta Chávez, pero i paramos cuenta tamién en os más débils a solbentar.

A situazión actual de Benezuela ye siñada por una experienzia de trasformazión sozial endrezada por Chávez. L’ochetibo alazetal ye a trasformazión d’a soziedat benezolana enta o sozialismo. Iste obchetibo singular ba acompañau d’un gran prochecto bolibariano que mira de chuntar America Latina en una gran prochecto nazional y antiimperialista, que le dixe puyar como un gran bloque economico-politico en o nuebo contexto cheoeconomico y cheopolitico mundial. En l’orizón ye por tanto, con l’acompañamiento d’o simbolismo d’a luita por independenzia contra España y d’a figura de Bolívar, “a segunda independenzia”. Una segunda independenzia, en a que Benezuela reprene o simbolismo empentador d’a primera y se torna de nuebas en o motor d’a independenzia finitiba d’Amercia Latina.
O prozeso de trasformazión bolibariano de Benezuela mantiene aspectos diferenzials sobre l’istorico sozialismo reyal. Tot isto la fan una experienzia chenuina y de gran fuerza trasformadera.

Ta prenzipiar, a ideya-fuerza d’o sozialismo d’o sieglo XXI combida a analizar a experienzias d’o sozialismo istorico. Tamién tiene o paper zentral d’apuesta por a democrazia partizipatiba, con l’ochetibo d’estructurar o paper d’o pueblo. Se trata d’empentar o sistema de “misions” que a trabiés de l’almenistrazión de l’Estau organizan o boluntariau d’os bicos (con prespuesto propio) ta solbentar as nezesidaz de bibienda, salut, alimentazión, escosque, seguridat,… Asinas tamién, os “Consellos Comunals” ripresentan estructuras d’autoorganizazion popular ta debatir as nezesidaz, articular-se con os poders istituzionals y planteyar-ie soluzions. Tot ixo articulau con o sistema clasico d’alcaldes y conzelleros.
L’autoorganizazión d’os desemplegaus y sectors populars en a baralla d’a produczión ha creyau 240.000 cooperatibas con l’ochetibo de superar a cultura d’o mendigo y d’a dependenzia. Se trata de solbentar as nezesidaz sozials y de creyar interpresas eficaz sin a clase empresarial ta puyar o desembolique autososteniu.
A reyalidat ye que d’as 240.000 cooperatibas nomás 30.000 tiene o diploma de “cumplimiento”, a resta tiene considerables dificultaz. Manimenos, os sectors populars han aprendiu a praxis, y saben muito millor as lochicas que dominan as lochicas que dominan a reyalidat economica y sozial d’os prozesos productibos.
Somos pues en o marguin d’una segunda estada, en a que con l’alazet d’a experienzia y d’o conoiximiento adquiriu, se puede planteyar a costruczión d’un sector cooperatibo y estatal, controlau por os treballadors y muito más efizién y productibo.
A busqueda d’a costruczión d’a “propiedat sozial” encorre superar a identificazión estructural d’o sozialismo reyal entre costruczión sozialista y propiedat estatal. Ye custión de configurar un ligallo de siñals churidicos nuebos y un ligallo de trazas de propiedat que s’articulan entre ellas. A ideya ye articular con exito un sentimiento de perteneixer que proboca a implicazion y identificazión d’os treballadors con o prochecto, empentando a eficazia productiba, con os intreses sozials y chenerals d’a comunidat, rechión u país.
No menos importán ye o refirme a la superbibenzia y a o desembolique d’os pueblos orichinarios de Benezuela. Os nuebos curriculum educatibos, a creyazión de l’Istituto Nazional d’Idiomas Indichenas y a rezién Lei ta o desembolique d’a luengas indichenas d’os pueblos orichinarios. Ista lei y a endrezera planteyada suposan enantes significatibos ta superar os Estaus-Nazión criollos y imperialistas creyaus con a primera independenzia. Chunto con a experienzia bolibiana, ixo torna a Benezuela en un país pionero en a recuperazión d’a identidat americana. Queda por contrimostrar a perdurabilidat d’a nueba orientazión, a extensión d’o prochecto de comunidaz indichenas a o mundo afro y a factibilidat reyal de tot lo prozeso.

Ta rematar, Benezuela ye güe una referenzia mundial en a luita por a emanzipazión umana, y ye aportando-ie praxis y reflexions dezisibas de tot ta la rebitalizazión d’o sozialismo. As dificultaz y contradiczions d’o prozeso ban de conchunta con os prozesos reyals. A faina güe d’os que aquí luitamos por a creyazión d’una republica sozialista aragonesa, ye aprender d’ellos y refirmar o suyo prozeso. A ternura, a calor y a color d’o pueblo benezolano son l’alazet y a nuestra gran aliada en iste prochecto.

Texto extrayiu d’un articlo d’opinión de Antxon Mendizabal, economista.