Baixan os diners publicos y baixan os espectaclos publicos

 

En as fiestas d’o Pilar d’estiaño bi eba una orden esclatera que beniba como reaizión a o despilfarro d’a Expo: “Estiaño bi abrá menos mosica en a carrera durante o Pilar por manca de diners”. Iste yera l’anunzio que l’alcalde de Zaragoza y a suya conzellera de cultura, a españolisma Pilar Alcober, fazión entre que remataba a EXPO y prenzipiaban os Pilars. As zifras tamién yeran esclateras y o conzello iba a retallar 4,6 millons d’euros respecto a o presupuesto de l’añada pasada ta las fiestas.

Cuan os diners se sacan y retallan, tot tiene un mesmo sufridor, y en iste caso siempre ye o ziudadano obrero que quiere disfrutar os pilars y alienar-se d’a suya bida cutiana de treballo. A resta ya sabemos que son siempre de fiesta… Y asinas, isto suposó o deszenso en conziertos gratuitos d’as plazas d’o Casco Istorico, a desaparizión de grans conziertos y menos meyos ta la programazión infantil.

Y ye que si a o desperdizio d’a EXPO le adibimos os diners malfurriaus l’añada pasada en o conzieto de Pilar Alcober en forma de carpa en Valdespartera, pues tenemos una importán reduczión d’o presupuesto. Pilar Alcober dizió “esitaño feremos un esfuerzo espezial por as collas nazionals”; claro tratando-se d’ella l’adchetibo “nazional” yera esclatero pero no se por qué torno a dizir-lo porque toz os años a ufierta pilaristas ye prou escasa de miras, quedando-se mui dezaga de ziudaz que ellos claman nazionalistas y que si que trayen berdaderas collas y espectaclos internazinals. Clame-se Bilbo Rock y cualsiquiera d’os festibals que se i fan o B.E.C., Azkena Rock Festibal, ), festibal internazional de Jazz de Donosti u Gasteiz, Bruce Springteen (San Sebastian y Barzelona), por nombrar os zaguers festibals…

Asinas estiaño d’una tongada han desaparexiu os eszenarios d’a plaza d’o Chustizia, San Pedro Nolasco, Sas, Santa Cruz, San Felipe y San Agustín que l’año pasau teneba cadaguna a suya partida presupuestaria. Podemos denotar tamién a eliminazión d’as actuazions que o Conzello organizaba en l’Auditorio de Zaragoza. Una plaza emblematica an que toz emos gozau de conziertos en a nuestra bida.

Pero uno d’os diners más escusaus ha estau os prozedens d’a chestión de Valdespartera que a punto estió de costar-le o puesto a “Pilar” (Alcober). Y ye que estiaño ta no embolicar-se a bida han donau a suya conzesión enta una interpresa pribada que se’n ha encargau d’a suya chestión y explotazión, sin que por ixo se i aiga bisto más afluyenzia. Ixo sí a eliminazión de bandas internazionals tamién i ha estau presén. La mesma pribatizazión que han feito con Valdespartera tamién se biene fendo Interpeñas que ya podemos dizir que ye o prenzipal foco d’atraczión d’unos pilars cada begada más pribatizau.

Con ista situazión no queda que aconortar-nos; pero no ye lo unico ya que en zagueras se le ha bisto a l’alcalde de Zaragoza, Belloch, dando mitins por toz os meyos de comunicazión en os que, antimás de promozionar as suyas nuebas barucas d’EXPOS de flors y Olimipiadas d’Ibierno, ye prenzipiando a dizir que isto ba a estar una tonica cheneral en o suyo mandato. “Pribatizazión d’a mosica y espectaclos”

En bella mida nos podríanos congratular de que Pilar Alcober ya no traiga a os suyos amigos “nazionals”, ni empenten exposizions d’o ”camín d’a cultura española d’o Cid”(ta empentar a luenga castellana), ni d’a” imbasión patriotica española d’os Sitios”.

Belloch plegó a dizir que os conziertos que “los paguen otros”, eliminando de l’aczeso a la mosica a tot áquel que no tiene recursos. Pero encara no eba rematau, y ye que as miras d’iste alcalde son mui alteras (u mui baxas, pende qui se lo mire). O miercols 22 d’Octubre, en una entrebista en Radio Zaragoza, dixó cayer que a nueba direczión mosical en o que a festellos y conziertos se refiere en Zaragoza la lebaría a SGAE. Ta ello sería benefiziaria d’un pabellón (no se sabe si uno d’a EXPO u o teyatro Fleta d’o Gubierno d’Aragón) y que se le clamaría o Palazio d’a Mosica y bi sería a ziudat d’o Rock (cuento que dirichida por Ramoncín, isto ye opinión personal).

Atro punto sería a manca d’espazios publicos ta que iste capital u interpresas pribadas puedan empentar os suyos espectaclos. Porque tamién a manca d’ideyas y d’eboluzión cultural d’una ziudat fan que se tranque toda mena de posibilidaz en espazios publicos como: Zentro Zebicos (superequipaus ta fer ista mena d’espactaclos), plazas a l’aire libre (betadas por os bezins y nuebas ordenanzas de difízil entender), u d’a ilegalizazión d’os espazios okupaus libres reprimidos por as nuebas fuerzas U.A.P.O. d’o siñor alcalde Belloch.

Con respectibe a la eliminazión d’espazios publicos cal destacar a desaparixión en poquez añadas d’o Rincón de Goya, C.C. Laín Entralgo, C.C. Estación del Norte, C.C. Delicias en unas obras irrematables y sospeitosas; y muitas dificultaz en a resta d’unos espazios equipaus ambute con unas imbersions en o suyo diya dirichidas enta l’empente d’a cultura y mosica.

A tot isto cladrá adibir-le a inasumible cantidat de diners que cal bosar por os dreitos d’una soziedat d’autors increyible, que nomás mira por o suyo benefizio y que antimás cuenta con o refirme d’o “sozial” PSOE.

Increyible en lo que se ye trasformando a ziudat y en lo que encara se puede trasformar como continen mandando istos politicos!!

 

Reseña conseguida de:

http://www.20minutos.es/noticia/415963/0/presupuesto/pilar/recorte/

Aquesta entrada ha esta publicada en Articlos d'opinión. Afegeix a les adreces d'interès l'enllaç permanent.

Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

Connecting to %s