XVI CONGRESO INTERNAZIONAL D’EUSKALTZAINDIA. IRUÑEAN

http://www.euskaltzaindia.net

 

Pamplona, del 6 al 10 de octubre de 2008

Euskaltzaindia zelebrará o suyo XVI Congreso Internazional a Pamplona, en o Palacio de Congresos y Auditorio de Navarra “Baluarte”.

En iste Congreso, que se desembolicará baixo o títol chenerico “Pirinioetako hizkuntzak: lehena eta oraina” (As luengas d’os Pirineus: pasau y presén) s’afondará en multiples aspectos d’as luengas y culturas d’os dos costaus d’a cordelera pirenenca.

Será asinasmesmo o primero d’os actos ta remerar o 90 cabodaño d’Euskaltzaindia.

Dende o 6 dica o 10 d’o benién mes d’octobre, Euskaltzaindia zelebrará a Pamplona o suyo XVI Congreso Internazional. O tema trigau ye o pasau y o presén d’as luengas d’os Pirineus y en o transcurso d’o mesmo s’afondará en multiples aspectos d’as luengas istoricas d’os dos costaus d’a cordelera pirinenca. Asinas, numerosos expiertos analizarán as luengas basca, aragonesa, catalana y oczitana, antimás de diferens besans d’a cultura que cadaguna d’ellas representa: a suya istoria, dialectolochía, literatura, soziolingüistica, as nuebas tecnolochías y a toponimia.

Iste XVI Congreso d’Euskaltzaindia se fa en un momento de bital importanzia ta la instituzión, per dos motibos: la uno perque l’Academia ye amanada a fer 90 años y l’altro perque en os zaguers años ísta ha contrimostrau una firme boluntat d’esbiellar-se y adecuar-se a os nuebos tiempos, tanto con a incorporazión de nuebos miembros como de prochectos con procheczión platera de futuro.

En iste contexto, o XVI Congreso nos dará oportunidat de afondar en o espazio cheografico y lingüistico d’o euskera, asinas como d’as altras luengas que comparteixen territorio con a nuestra. Ye per ixo que Euskaltzaindia zelebrará iste congreso con as academias d’as luengas pirinencas, con as suyas unibersidaz y zentros d’enzerca referenzials, perque con els quiere compartir Euskaltzaindia a reflexión y a imbestigazión y fer-lo dende una perspectiba que pare cuenta en as reyalidaz d’as dos besans pirinencas.

Euskaltzaindia quiere implicar a os imbestigadors ta que ístos partizipen en o Congreso con as suyas comunicazions y se compromete a creyar espazios comuns que afaboreixcan a combibenzia y a comunicazión. Asinas l’ese deseyau Henrike Knörr, academico recienmén feneixiu a qui omenachiaremos en o Congreso. A él debemos o primer empente ta reyalizar un congreso que, asperamos, contribuirá a que se refinque o euskera.