O chanchullo d’Arcosur y a EXPO

Emos parlau muito sobre os prochectos, esferras, consecuenzias,… d’a EXPO de Zaragoza. Pero güe me quereba zentrar en uno d’as, ta la mía opinión, muestras más esclateras d’os diners que se son embolsando os de siempre en perchuizio d’a soziedat aragonesa, tamién como siempre.

A macrourbanizazión de bibienda protechida que o Conzello de Zaragoza ha prochectau en o Sur de Zaragoza, Arcosur, ya fa tiempos que superó o zaguer tramite urbanistico a l’aprebar-se os estudios de detalle d’as parzelas en as que lebantarán 12.689 pisos, casí nada, que dizen serán baratos. Dizen que en Setiembre ya abrían d’aber prenzipiau a parzelazión ta dimpués en Octubre dentrar-ie as maquinas. Si se cumplen as prebisions os empentadors confitan en prenzipiar a comerzializazión d’as bibiendas a metat d’o 2010.

A istoria d’iste macro prochecto prenzipió con a suya aprebazión en o consello ordinadrio d’a Cherenzia d’Urbanismo d’o Conzello de Zaragoza (cuan CHA gobernaba), una reunión en a que tamién se dió o bisto bueno a o desembolique d’o sulero en Miralabueno ta costruyir-ie 1500 pisos, atros tantos en l’abenida Catalunya y 316 bibiendas baratas en San Gregorio.

O prochecto de costruczión d’Arcosur parte d’a PERMUTA de terrenos d’a EXPO 2008 por parti d’Ibercaixa, gran benefiziada d’a costruczión d’istas bibiendas, con as que gana diners por triplicau, al no pagar o terreno an que se costruyen, costruyir as bibiendas sobre as que otorgará a propia ipoteca y os seguros.

O plan total d’Arcosur comprende una actuazión de 21.148 bibiendas de toda mena de bibiendas, un 40% d’as cuals en reyalidat serán bibienda de pre libre, debiu a lo cual ya bi ha una importán colla de personas y, más que más, interpresas intresadas en o pastel inmobiliario que incluye as bibiendas, infraestructuras y un campo de golf, que mira de incluyir-se en as 70 Has de dominio publico.

A tamás de que os suyos empentadors lo anunzión por a suya exzelén situazión, chunto a l’aeropuerto, l’aturada de l’AVE, Pla-Za, Feria de Muestras… As organizazions bezinals siempre se han posizionau en contra d’a costruczión d’una urbanizazión de 20.000 bibiendas a doze kilometros d’o casco urbano de Zaragoza, más amán d’o lugar d’a Muela que d’o zentro d’a ziudat. Con toz os prechuizios economicos que suposará lebar trasporte publico tan luen d’a ziudat.

A Federazión de Bicos de Zaragoza ha criticau “de duras trazas” l’aprebazión d’os estudios de detalle d’iste plan por o pleno munizipal d’o conzello a sabiendas de que bi eba posibilidaz reyals de que o Tribunal Superior de Chustizia d’Aragón anulase dito planteyamiento.

D’o conchunto de pisos protechius, bels 7000 son parti d’o paquete de bibiendas de promozión publica d’o conzello y atros 5800 los empenta dreitamén o sector pribau. Manimenos, 2095 pisos munizipals ya estión zedius enta Ibercaixa como pago por a compra de Ranillas. D’astí que o 61,7% d’a VPO total d’Arcosur siga güe en manos pribadas y bi ha seriosas dudas sobre a conzesión de bibiendas en a zona, que bien podría estar a dido, ya que cosa obliga a las promotoras pribadas a establir pres fixaus por as istituzions publicas.

Atra polemica arredol d’iste nuebo bico ye o feito patén de que o conzello no ha renobau o mapa de rudio de Zaragoza, a lo que yera obligau. Si lo ese feito, a mayor parti d’Arcosur sería considerada zona con serbidumbres acusticas (asinas le claman) por a suyo amanamiento enta l’aeropuerto. Seguntes a Lei d’o Rudio, en ixas zonas no se puede costruyir bibiendas nuebas.

Nomás dizir que 44 entidaz finanzieras ya han demandau partizipar en o plan, parando cuenta d’os cutianos benefizios que’n obienen. No be de olbidar-se que a patronal d’os bancos ha declarau gananzias en l’añada 2007 de un 19.8% más que l’añada anterior y en o primer trimestre d’estiaño importans benefizios a tamás d’a crisis.

Aquesta entrada ha esta publicada en Articlos d'opinión. Afegeix a les adreces d'interès l'enllaç permanent.

Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

Connecting to %s