Filed under: A Enrestida
Filed under: A Enrestida
Os países que faciemos parti d’a Corona d’Aragón remeremos en 2007 o 300 cabo d’anyo d’a imposición d’os Decretos de Nueva Planta por parti d’o Reino de Castiella, con enchaquia d’a derrota en a baralla d’Almansa. Os decretos implantoron as leis propias de Castiella y suprimirían a organización propia d’Aragón, Valencia, Catalunya y Balears prenendo como ferramienta o dreito de conquista. Dreito que dica alavez no heba estau exerciu ya que o matrimonio d’os Reis Catolicos (Corona d’Aragón y Castiella) nomás suposaba una unión dinastica, no pas una anexión homocheneizadera. Dimpués d’ista baralla en a Guerra de Sucesión, nomás os territorios de Navarra, Vascongadas y Arán conservarían os suyos dreitos historicos y politicos por a fidelidat a la casa Borbonica.
A fita no ye por demás. Bells parlamentarios cataláns d’o Congreso espanyol presentoron a primers de marzo d’estianyo una proposición que será presentada en dito parlamento, seguindo a tot trance por a endrecera d’a derogación d’ixos decretos de Nueva Planta, y en conseqüencia “a restitución d’a situación politica, territorial y churidica derivada d’aquella imposición”.
Tamién entre ista lechislatura bells parlamentarios, ista vegada vascos, se’n encargan de millor u pior traza, de remerar en o mesmo “hemiciclo” que fa 500 anyos os zaguers repuis d’un exercito navarro facioron frent en o castiello d’Amaiur a las tropas espanyolas, antis d’a suya conquista. 
Limpio celebrar contino calendatas historicas como istas, nos remeran y les remeramos que no fa tantos anyos (305) un estau de pleno dreito y larga trachectoria historica estió conqueriu dimpués d’una baralla por un monarca, en contra d’o qual s’heban posicionau as institucions politicas y a más gran parti d’a población d’Aragón . Una población que o 23 d’abril y dimpués de 500, 300,… u tot desembolciando-se una lechislatura, no estomaca mica un país imposau, a suya cultura, a suya politica economica, y agora la suya politica laboral.
Manimenos dende os poders publicos y privaus no se fa que celebrar, dende o zaguer 19 de marzo, o 200 cabo d’anyo d’a Constitución Espanyola redactada en Cádiz en 1812, a qual declaró que o Estau yera catolico y no permitiba garra atra relichión, no reconoixó garra dreito a la muller, u proclamó a monarquía constitucional pa que, malas que Ferrando VII tornó d’un comodo exilio, se proclamase atra vegada l’absolutismo. No bi ha un adchetivo millor que “espanyola” ta definir ixa esferra que nomás s’habría de remerar ta aprender d’as errors pasadas.
Fitas, datos, historias… que manipolian deliberadament os ideologos que miran de lechitimar ixe Estau que claman “Espanya”, y nos cuentan una falsa historia de reis y reinas, d’imperios, de convivencia armoniosa, de vencedors magnanimos u de vencius que se feban contentos de estar-ne. Una historia que ixemenan, cara enta dintro, a traviés d’os libros de texto escolars u de avergonyants best sellers, y, cara enta difuera, a traviés d’as suyas 118 embaixadas bilaterals, 11 multilaterals, 300 consulaus, 300 Institutos Cervantes, oficinas de cooperación, esportistas voluntariosos, interpresas… las quals se posarán a o servicio d’a nueva marca “Espanya” que o Ministerio d’Exteriors presentará o proximo 25 d’abril.
Los 200, 300, 500, … y toda una vida de lucha por la independencia en el 23 de abril
Los países que participamos de la Corona de Aragón recordamos en 2007 el 300 aniversario de la imposición de los Decretos de Nueva Planta por parte del Reino de (més…)
EXPOSICION
A ENRESTIDA, 9 AÑADAS EN IMACHENS
devantadera: viernes 16 de marzo, 20:00
Tabierna A Flama
c/ Mayor 53
Zaragoza
Anyo par d’atro, totz os 8 de marzo surtimos t’a carrera ta manifestar-nos por a liberacion de todas as mullers en qualsiquier parte de o mundo. Explotadas, agora mas que no nunca, gracias a istos retalles capitalistas que fan mas pobres a las pobres y mas ricas a las ricas, chusmesas aintro de una sociedat patriarcal manullada con esguants de seda dende todas as dembas de o neoliberalismo, pero nunca no cansas de luitar y de enrestir. No queremos fer un discurso negativista, ni sisquiá panfletario, de vez tampoco no queremos obviar a situacion que vivimos muitas mullers, lo que queremos ye cambear isto, fer un poder dende a nuestra vida cutiana, hombres y mullers libres en una Aragón libre, estricallar lo establiu. Refusamos a violencia masclista en todas as dembas, no nomás fisica sino tamién psicolochica, as faltadas y as actitutz sexistas, remerando a ixas que paten istas agresions.
Ya cale surtir t’a carrera y prebar de cambear todas ixas mentes reaccionarias y masclistas, tot lo que nos rodea que pude a desigualdat, en totz os puestos.
A revolución escomencipia en una mesma, crebando as nuestras cletas imachinarias, y as imposadas a la resta.
No me cuaca a tuya revolucion si no puedo bailar en ella.
Independencia y socialismo.
A Enrestida.
Filed under: A Enrestida
Filed under: A Enrestida
O sabado 5 de noviembre de 2011 os nuestros companyers de Fendo Orella, de conchunta con Radio Topo, facioron una emisión especial en aragonés “d’estrela a estrela” en Radio Topo 101.8 FM con enchaquia d’o cabo d’anyo d’a Carta Europeya d’as Luengas Minoritarias, de raso en aragonés.
Una buena ripa de chent se i arrocloron ta celebrar iste día y fer qualcosa novedosa. Aquí tos penchamos os dos vidios d’o documental que’n ha surtiu chunto con a programación que siguioron:
Filed under: A Enrestida
Programación:
Sona o revel
Enguero d’a emisión y curset practico d’aragonés, a solución a todas as dubdas que siempre has tenidas.
Prou, prou luen
Cuentos ta un esvenider sostenible. Entrevista y cuentos ta nin@s.
La Enredadera
Especial d’o programa de Radio Topo, en aragonés.
Nos veyemos en a Carrera Mayor
En a radio d’iste vico nos chuntamos a charrar: charrazos, guisos y atros quefers.
Fendo Orella
Especial d’o programa de Radio Topo, en aragonés, igual como siempre.
A Clau Roya
Mullers libres en una Aragón libre.
Fillos de l’Angunia
Hijos del Agobio de Radio Topo, en aragonés.
De 18 a 19 horas
Os repuis
Una mica de tot: actualidat, debat, sciencia, mosica…
Rueda Libre
Especial d’o programa en Radio Topo d’o colectivo Pedalea, en aragonés.
Esfendemos a tierra
Prochectos de barra a barra d’Aragón que miran d’estricallar-lo.
Como totz anyos, y fendo ya tradición, ubrimos o CSA pa ufriros una d’as millors nueis de l’anyo.
Precios populars.
Disfraces.
Buena mosica con os millors DJ’s.
Rifas.
Premios pa os dos millors disfraces.
A millor chent que puedas prexinar.
……
……….
………….. Y……….
¿Encara te lo yes pensando?
GOYOSO CABO D’ANYO Y GOYOSO 2012
Iste Sabado 17 de Aviento o Bloque Independentista de Cuchas, coordinadera d’as organizacions d’a cucha independentista de Aragón (Puyalón de Cuchas, A Enrestida, Purna, y A Clau Roya), chunto a o Sindicato Obrero Aragones – Sindicato d’xs treballadors/oras de Aragón (SOA-STA), celebra o Diya d’os Dreitos y Libertatz Nacionals de Aragon, en Huesca, Plaza de san Pedro, dende as 12 d’o mediodia.
Queremos convidar a nuestrxs simpatizants y a la ciudadania aragonesa en cheneral a que i participen en os actos que se i ferán
Amana-te-ie con a cucha independentista!
Fa tiempos que no se charra d’Irlanda d’o Norte en as notizias, cuan una decada tazaga parolas como Ulster, Belfast u Derry yeran ditas semana par d’atra, sino de contino. Y ye que parixe que dende l’alcuerdo d’o Biernes Santo de 1998 as badas de fambre d’os prisioners politicos y a represión d’as instituzións britanicas enta os republicanos s’han xublidau… nomás parixe quedar bel repui de disconformidat que espleita en traza de baralla de cabo ta cuan, y cada begada menos. A situazión de normalidat se da por cheneralizada dende a tregua de l’IRA Provisional en 2005 y a reinstaurazión de l’Asambleya d’Irlanda d’o Norte en 2007, tras una curiosa supresión de dita instituzión en 2003. ¿Y tot isto por qué? Por una teorica bizefalía de republicanos y unionistas en o poder, con una superbisión irlandesa y britanica, con un desarme de paramilitárs y con a guaranzia d’a salbaguardia d’os dreitos d’a poblazión republicana.
En Belfast, uno marcha t’os murals unionistas de Shankill y os republicans de Falls Street y compreba que agora son una atrazión anque os taxis locáls quitan dinérs fendo cursas ta dezenas de turistas que marchan ta fer-se fotos… se plega a contimparar a situazión con a de foranos fotiando atros puestos do s’han desembolicau guerras u barallas y que agora ya son pazificaus, cuals foraus de bombas en o Pilar u balas en a Puerta d’o Carmen. Pero de bote y boleyo, a ixo d’as 6 oradas uns muros metalicos trancan as suyas puertas separando ditas redoladas: allora ye cuan uno dispierta d’o país d’a piruleta en que se ha conbertiu a ziudat de maitíns y meyodiyas, y prenzipia a entender atras cosas.
Escando en as notizias, en o 2009 tornón os muertos y en chunio d’ista añada un polizía republicano estió asasinau por unionistas, de bez que en Derry una manifestazión unionista pasando a o canto d’o bico catolico, que a suya entrada se marca con un Welcome to free Derry y do un dublinés nos deziba con argüello que astí nunca no eba dentrau garra polizía ni militar britanico, remató en o secuestro y cremada de bels autos. Atamás d’os disturbios de Short Strand, con bels ferius de bala.
As posizións son bien definidas, y luen de parexer continar con ixa conberchenzia en pautos, a custión parixe esbarrar-se más y más.
Os unionistas se consideran perchudicaus con a situazión que s’ha dau tras os alcuerdos d’o Biernes Santo, con una poblazion catolica que ta els tiene o mesmo poder que a protestante estando menos numerosa. A igualazión en dreitos asegurada por una comisión espezial de dreitos umanos les ha perchudicau: os republicanos han dixau d’estar esclabos y agora son direuta competenzia d’os protestáns en o mercau laboral y en posibilidaz de dentrar en o funzionariau.
Os republicanos beyen como o esprito d’os Acuerdos de Belfast se ye conbertindo en una mena de estatus quo aturau, perpetuando una situazión prebia a la d’un cambio que nunca no se da. Se les diz debán de tot que cal salbaguardar a paz y o esprito conziliador, pero os resultaus de “fer as cosas bien” no plegan.
En o fundo, parixe que ixa teorica bizefalía no ye so que una mena de contentar a toz y no contentar a dengún dentro d’os esquemas chenerals de un estau neoliberal, isto ye, un estau alazetau en o conzeuto de cherarquía, que en o suyo fundo implica pillar dezisións de traza cada begada más indibidualizada. Dito d’atra traza, se puet estar tot o diplomatico y correuto que se quiera, promobendo un teorico estau bizefalo, pero siempre s’habrán de pillar dezisións y por muito que bi aiga una bizefalía en ixa cherarquía que las pilla, bi’n abrá que perchudicarán a uns en pro d’atros y a’l biés. Os protestáns considerarán que igualar os dreitos les perchudica (prou que no lo dirán asinas, que lo formularán con atrás parolas más polidas) y os republicanos, minoría encara que por no guaire, continarán pensando que ista nueba formula no soluziona as suyas aspirazións lechitimas (y más parando cuenta que son minoría más que más por a emigrazión de norirlandeses enta Irlanda en a puenda de represión britanica). Tanimientras, as instituzións feitas dentro d’o marco neoliberal ta soluzionar o problema de gobernanza de dos pueblos en una mesma tierra se muestran incompeténs, y l’onico que fan ye mirar de retrasar (u enrastar a “suburbios”) una biolenzia y uns sentimientos enfrontinaus que crexen más y más, d’a mesma traza que un galbán bibidor amaga o polbo debaxo de l’alfombra toz os diyas.
